77-vjeçari në Prizren u gjet i vdekur në një motel

Personi që është gjetur i vdekur të shtunën në Prizren është një 77-vjeçar.

Zëdhënësi i Policisë për rajonin e Prizrenit, Shaqir Bytyqi, ka bërë të ditur se viktima ka vdekur në një motel brenda kësaj komune.

“Dje rreth orës 11:36 policia është njoftuar nga një punëtore e njërit nga motelet se një klient është gjetur i vdekur në njërën nga dhomat. Policia së bashku me prokurorin kanë dalë në vendin e ngjarjes ku është bërë ekzaminimi dhe me urdhër të prokurorit trupi i pajetë është dërguar për obduksion. Viktima është 77 vjeçar dhe është nga Prizreni”, tha Bytyqi.

Bazuar në ekzaminimet e para, Bytyqi ka thënë se viktima nuk ka pasur shenja dhune në trupin e tij.

Një person është gjetur pa shenja jete të dielën në Prizren.

Policia ka njoftuar të hënën se në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës.

Rasti është cilësuar si “hetim i vdekjes”.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është duke u hetuar.

© KOHA. Të gjitha të drejtat janë të rezervuara.