Policia e Kosovës njoftoi se është gjetur të dielën një burrë nga Prizreni, që është raportuar i zhdukur nga familjarët e tij.
Zëdhënësi i Policisë për rajonin e Prizrenit, Shaqir Bytyqi, i tha KOHËS se viktima me familjarët e tij janë paraqitur në stacionin policor rreth orës 12:10, ndërsa ai është në gjendje të mirë shëndetësore.
“Po sot me datë 28.05.2023, rreth orës 12:10 familjarët bashkë me viktimën janë paraqitur në stacionin Policor të Prizrenit. Viktima ishte mirë dhe shëndosh. Pas intervistimit, viktima bashkë me dëshmitarin janë liruar”, thuhet në njoftimin e Bytyqit.
12:22
Raportohet i zhdukur një burrë në Prizren
Një burrë është raportuar i zhdukur nga i biri i tij të shtunën në fshatin Lubiqevë të Prizrenit.
Policia ka njoftuar të dielën se ankuesi ka thënë se babai i tij ka dalë nga shtëpia nga mesdita e së premtes dhe nuk dihet vendndodhja e tij.
