Sekuestrohen 11 pajisje për prodhim të kriptovalutave në Zubin-Potok
Policia e Kosovës ka bërë të ditur se ka sekuestruar 11 pajisje për prodhim të kriptovalutave të shtunën në fshatin Uglar në Zubin-Potok.
Policia ka thënë se kishte marrë informata se në këtë fshat disa herë ka pasur probleme me energji eletrike dhe se qytetarëve po u dëmtohen pajisjet elektrike shtëpiake e po ka zhurmë.
I dyshuari nuk është gjetur në shtëpi, ndërsa bazuar në informata ai herë pas here udhëton në Beograd.
“Policia e Kosovës, nga stacioni policor Zubin Potok, mbështetur nga Njësia për reagim të shpejtë (NJRSH), bazuar në detyrat dhe autorizimet ligjore kanë ndërmarr veprime të menjëhershëm dhe ka identifikuar lokacionin (shtëpinë ) e personit të dyshuar dhe në shtëpi janë gjetur njëmbëdhjetë (11) pajisje për prodhimin e kriptovaluatave (Bitcoin). Lidhur me rastin është njoftuar njësia kompetente nga Dogana e Kosovës, të cilët kanë dalë në lokacion, pajisjet janë konfiskuar dhe sipas verifikimeve i dyshuari nuk gjendej në shtëpi pasi që herë pas here udhëton nga Beogradi i Serbisë dhe viziton shtëpinë lartcekur, thuhet në njoftimin e Policisë.
