Kronikë

Themelorja e Gjilanit ngre aktakuzë për vrasje në tentativë dhe sulm

Themelorja e Gjilanit ngre aktakuzë për vrasje në tentativë dhe sulm
Foto: Ilustrim
 

Prokuroria Themelore në Gjilan, Departamenti për Krime të Rënda, ka ngritur aktakuzë pranë Gjykatës Themelore në Gjilan ndaj të pandehurve I.C. dhe E.A. (2000), për shkak të veprës penale “Vrasje në tentativë”, ndërsa ndaj të pandehurve E.A. (1997), E.A. (1994), E.S., F.K., dhe B.K., për shkak të veprës penale “Sulm”.

Sipas aktakuzës, të pandehurit I.C. dhe E.A. (2000), më 12 nëntor 2018, në stacion të autobusëve në Gjilan, për shkak të një mosmarrëveshje, me veprimet e tyre, me dashje kanë tentuar ta privojnë nga jeta të dëmtuarin M.B, në atë mënyrë që i pandehuri I.C., e godet dy herë me thikë, në bel dhe në shpinë, ndërsa i pandehuri E.A., e godet dy herë me një kaçavidë në gjoks dhe stomak, duke i shkaktuar lëndime të lehta trupore.