Tre të arrestuar për dhunë në familje në Gjakovë, Gjilan e Podujevë Foto: Koha / ilustrim

Tre të arrestuar për dhunë në familje në Gjakovë, Gjilan e Podujevë

09 October 2019 10:42

Tre burra janë arrestuar dje për dhunë në familje në Gjakovë, Gjilan e Podujevë.

Policia e Kosovës përmes një komunikate për media bën të ditur se në Gjakovë është arrestuar një burrë me dyshimin se nën ndikim të alkoolit ka sulmuar babën e tij.

“Nuk raportohet për të lënduar. Me vendim të prokurorit i dyshuari dërgohet në mbajtje”, thotë PK.

Derisa në Gjilan i dyshuari ka sulmuar bashkëshorten dhe djalin e tij.

“Si pasojë e sulmit viktima-djali i të dyshuarit ka pësuar lëndime trupore dhe i njëjti ka pranuar tretman mjekësor. Me vendim të prokurorit i dyshuari dërgohet në mbajtje”, thuhet në komunikatë.

Derisa në fshatin Peran të Podujevës është arrestuar i dyshuari për sulm ndaj vëllait të tij për shkak të pronës.

“Është arrestuar i dyshuari mashkull K-Shqiptar, pasi që i njëjti pas një mosmarrëveshje në lidhje me pronën, ka sulmuar vëllanë e tij viktimën mashkull K-Shqiptar. Nuk raportohet për të lënduar”, thuhet në komunikatë.

Me vendim të prokurorit i dyshuari dërgohet në mbajtje.

© KOHA. Të gjitha të drejtat janë të rezervuara.

Komentet

Shto koment

Të ngjashme