Kronikë

Tentuan ta thyejnë bankomatin në Malishevë, arrestohen dy persona

 

Drejtoria Rajonale e Policisë në Gjakovë, respektivisht Stacioni Policor në Malishevë, ka arrestuar dy persona të dyshuar për “vjedhje të rëndë të mbetur në tentativë”.

Sipas njoftimit për media, sot me datë 07.02.2020 mbështetur edhe nga Njësia për Reagim të Shpejtë, është kryer kontroll (bastisje) të objekteve të banimit dhe objekteve tjera përcjellëse në dy lokacione të ndryshme në territorin e Komunës së Malishevës dhe gjatë këtij operacioni policor janë arrestuar dy persona të dyshuar nën dyshimin se kanë kryer veprën penale ,”Vjedhje e Rëndë” e mbetur në tentativë të ndodhur me datë 20.01.2020 në ora 02:40 në fshatin Kijevë ku dy persona të maskuar , kanë tentuar që të kryejnë vjedhjen e të hollave në Bankomatin e TEB Bankës.