Inspektorati e Policia mbyllin nëntë lokale në Ferizaj

Inspektorati e Policia mbyllin nëntë lokale në Ferizaj

21 February 2020 14:29

Inspektorati i Komunës së Ferizajt në bashkëpunim me Policinë e Kosovës, kanë nis një aksion i cili ka rezultuar me mbylljen e nëntë lokaleve shkaku i zhvillimit të veprimtarive në mënyrë të jashtëligjshme kundër vlerave morale të shoqërisë.

Nëpërmjet një njoftimi komuna ka bërë me dije se aksioni është zhvilluar në rrugën “Gursel e Bajram Sylejmani”, “Besim Rexhepi” dhe në disa rrugë të tjera të qytetit.

Sipas komunës shëndeti i fëmijëve dhe i banorëve në këto rrugë janë më të rëndësishme se zhvillimi i çfarëdo biznesi.

“Mbrëmë, forca e ligjit përmes aksionit të Inspektoratit të Komunës, koordinuar edhe me njësitë e veçanta të Policisë së Kosovës, për dyshime për veprimtari të jashtëligjshme, mungesë dokumentacioni dhe nivelit të ultë të pastërtisë mbylli 9 lokale ku deri më tani zhvillohej veprimtari afariste kundër vlerave morale të shoqërisë sonë. Shiriti i bllokimit do të përthekoj çdo veprimtari të jashtëligjshme, në mbrojtje të shëndetit publik dhe interesit qytetar, vendosmërinë e së cilës tash e dy vjet me radhë e ka dëshmuar Kryetari i Ferizajt, Agim Aliu përmes Inspektoratit të Komunës”, thuhet në njoftimin e komunës.

© KOHA. Të gjitha të drejtat janë të rezervuara.

Komentet

Shto koment

Të ngjashme