Të akuzuarit për vrasje në Bresalc të Gjilanit i vërtetohet dënimi prej 18 vjet e 6 muaj burgim

Të akuzuarit për vrasje në Bresalc të Gjilanit i vërtetohet dënimi prej 18 vjet e 6 muaj burgim

24 February 2020 16:01

Të akuzuarit për vrasje në Gjilan i është vërtetuar dënimi prej 18 vjet e 6 muaj burgim

Gjykata e Apelit, i ka refuzuar ankesat në rastin e të akuzuarit L.U.

Sipas njoftimit për media, aktgjykimi i Gjykatës Themelore në Gjilan është vërtetuar.

Sipas këtij aktgjykimi L.U. është dënuar më dënim unik prej 18 vjet e 6 muaj burgim, pasi që është shpallur fajtor për veprat penale “Vrasje” dhe “Kanosje”.

Gjykata e Apelit gjeti se aktgjykimi i ankimuar nuk është përfshirë në shkelje esenciale të dispozitave të procedurës penale.

“Po ashtu vlerëson se dënimi i shqiptuar ndaj të akuzuarit nga ana e gjykatës së shkallës së parë, është në harmoni me intensitetin e rrezikshmërisë shoqërore të veprës penale dhe shkallës së përgjegjësisë penale të akuzuarit si ekzekutor, dhe se me këtë dënim do të arrihet qëllimi i përcaktuar më ligj”, thuhet në njoftim.

Kujtojmë se në prill Gjykata Themelore në Gjilan kishte dënuar me 25 vjet burgim të pandehurin L.U. për vrasjen e viktimës F.A. më 28 korrik 2018 në mbrëmje në fshatin Bresalc të Gjilanit.

Kurse në rigjykim më 4 dhjetor ndaj këtij të akuzuari u shqiptua dënim unik prej 18 vjet e 6 muaj burgim efektiv.

© KOHA. Të gjitha të drejtat janë të rezervuara.

Komentet

Shto koment

Të ngjashme