Kulturë

Pronarët kushtëzojnë shtetin ta blejë ose të heqë dorë nga monumenti

Foto: Koha
 

Pronarët e Shtëpisë së Hynilerëve kanë gati dy muaj që presin përgjigje nga Ministria e Kulturës. Me arsyetimin se shtëpia është në gjendje të rëndë dhe paraqet rrezik, kanë kërkuar që t’i hiqet statusi i monumentit. Tash kërkesa është edhe më e prerë: shteti ose duhet ta blejë ose të mos e mbrojë më si monument objektin që gjendet në lagjen “Dodona”në Prishtinë.

Por pavarësisht se Ministria e Kulturës nuk u ka kthyer përgjigje, ky institucion ka plane të tjera për monumentin që daton nga shekulli XIX. Fatmire Hyniler, e cila më 7 shkurt të këtij viti, ka dorëzuar kërkesën në Ministrinë e Kulturës, të njëjtën e ka dërguar edhe në Komunën e Prishtinës, shkruan sot “Koha Ditore”.