Kulturë

“Bukuria e betonit” me kontrastet e gjallërinë e Prishtinës

“Bukuria e betonit” me kontrastet e gjallërinë e Prishtinës

Prishtinë, 11 shtator – “Bukuria e betonit”, titullohet ekspozita e parë e fotografit francez Etienne Rémond, e cila u hap të martën në Aleancën Franceze. Pas shtatë muajsh qëndrim në Prishtinë, Rémond i ka dhuruar kryeqytetit një rrëfim fotografik. Përmes 31 imazheve bardhezi e spikat kontrastin në mes të gjallërisë dhe betonit që rrethon kryeqytetin, por edhe përditshmërinë. Ani pse në fotografi ka shumë beton, ndërtesa e objekte, fotografi thotë se aty ka gjetur diçka të bukur.

“Kishte diçka për njerëzit që më ka tërhequr. Është një qytet me plot gjallëri, por edhe në të njëjtën kohë ka aq shumë beton, është shumë brutale në aspektin arkitektonik, e që gjithë këtë e kam gjetur si shumë piktoreske, shumë të bukur. Mendoj që kjo vjen pikërisht prej këtij kontrasti”, ka thënë ai.