Kulturë

Kabineti i ministrit të Kulturës shpenzoi 128 mijë euro shtesë

Foto: Driton Paçarada / KD
 

Prishtinë, 19 shtator – Stafi politik ku përfshihen ministri, zëvendësministrat e këshilltarët në Ministrinë e Kulturës për 23 muaj i kanë kushtuar shtetit 459 mijë e 76 euro e 99 centë.

Janë gjithsej 128 mijë e 287 euro e 99 centë që ministri i Kulturës, Kujtim Gashi, bashkë me 5 zëvendësministrat e 6 këshilltarët e tij i kanë shpenzuar për më pak se dy vjet pa përfshirë pagat. Bëhet fjalë vetëm për mëditje, shpenzime të udhëtimit, ato për reprezentacion, biletat e avionit e pagesat me kartelë nga ministri e zëvendësit e tij. Pjesë e këtyre shpenzimeve janë edhe telefonatat e ministrit e zëvendësve të tij e derivatet, përfshirë edhe ato të disa prej këshilltarëve që u është lejuar të kenë veturë zyrtare në përdorim.