Kulturë

Biblioteka në rinovim përballet me rrjedhje të ujit nga kulmi

Biblioteka në rinovim përballet me rrjedhje të ujit nga kulmi

Procesi i rinovimit të kulmit të Bibliotekës Kombëtare të Kosovës e moti me shi kanë rikthyer telashet me të cilat përballet tash e sa vite, ani pse projekti ka për qëllim që t’i evitojë ato. Reshjet e fundit atmosferike kanë bërë që prej më shumë se 10 vendeve, uji të depërtojë brenda hapësirave të këtij institucioni.

Të enjten tri rrjedhje të ujit kanë qenë vetëm në sallën e leximit që akomodon 400 lexues. Kovat janë shpërndarë gjithandej që uji të mos shpërndahet nëpër dysheme. Punonjësit vazhdimisht gjatë ditës janë kujdesur që ta minimizojnë shpërndarjen e ujit. Disa prej zyrave janë shpëtuar nga kovat e koritat ujëmbledhëse, shkruan sot “Koha Ditore”.