“Java e filmit shqiptar” me veprat kinematografike që i mbijetojnë kohës

“Java e filmit shqiptar” me veprat kinematografike që i mbijetojnë kohës

Alberina Haxhijaj Alberina Haxhijaj 19 February 2020 09:21

Prishtinë, 19 shkurt – Filmi “Skënderbeu”, i vitit 1953 ndezi projektorin e “Javës së filmit shqiptar” të hënën mbrëma në kinemanë ABC.

Nën regji të Sergei Yutkevich, filmi i cili një vit më vonë në edicionin e shtatë të Festivalit të filmit në Cannes u nderua me çmimin ndërkombëtar e regjisori mori mirënjohjen speciale, u restaurua në vitin 2012 për nder të 100-vjetorit të Pavarësisë së Shqipërisë e i tillë erdhi edhe para publikut në Prishtinë, në 12-vjetorin të Pavarësisë së Kosovës. “Skënderbeu” ka qenë në mesin e tre filmave që “Kosovafilmi” zgjodhi për “Javën e filmit shqiptar”.

Rrugëtimin nëpër kinematografinë shqiptare që e nisi “Skënderbeu” e përfunduan të martën mbrëma “Nëntori i Dytë” i regjisorit Viktor Gjika dhe “Tomka dhe shokët e tij” i Xhanfize Keko. “Nëntori i dytë”, produksioni i viti 1982, trajton një nga ngjarjet më të rëndësishme të historisë së popullit shqiptar, shpalljen e Pavarësisë së Shqipërisë. E “Tomka dhe shokët e tij”, produksioni i viti 1977, ka në fokus Luftën e Dytë Botërore. Tomka dhe miqtë e tij, të cilët ditët i kalonin duke luajtur me top në një fushë afër shtëpive të tyre, organizojnë aksione kundër kampit ushtarak të nazistëve që është dislokuar në fushën e tyre të dikurshme të lojës.

Gani Mehmetaj, drejtor i “Kosovafilmit”, ka thënë se përmes mozaikut që krijojnë tre filmat e përzgjedhur, ofrohet një pasqyrë e situatave të ndryshme dramatike që ka përjetuar populli shqiptar.

(Gjerësisht, sot në “Kohën Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme