Kulturë

“Artist në karantinë” prej vetmisë deri te momentet e rëndomta

“Artist në karantinë” prej vetmisë deri te momentet e rëndomta

Punimet e artistëve po vazhdojnë që të prezantohen nëpërmjet ekspozitës virtuale “Artist në karantinë” nga Galeria Kombëtare e Kosovës. Së fundmi artisti Lorik Sylejmani ka prezantuar serinë e fotografive “Pushing perspectives with a double coffee”, të cilën e ka realizuar i frymëzuar nga veprat e artistit disident kinez, Ai Weiwei.

E artisti i ri Arbnor Karaliti, i solli publikut disa portrete të shoqërisë së tij. Karaliti është prezantuar me nëntë piktura vaj në pëlhurë e Sylejmani me pesë fotografi nga cikli i tij. Në këtë mënyrë Karaliti ka paraqitur situatat e zakonshme të situatës së pazakonshme e Sylejmani zbërthen vetminë.