Kulturë

Budina: Me shembjen e Teatrit ra demokracia, liria është pjesëmarrje

Budina: Me shembjen e Teatrit ra demokracia, liria është pjesëmarrje
 Edmond Budina: “Duke shembur Teatrin ata varrosën kostumet e rekuizitat nën rrënoja. Një akt i tillë barbar nuk ka ndodhur në botën moderne... Në këtë rast ka rënë demokracia”

Sheshet mund të llogariten si një lloj shtëpie e tij. U takon sheshxhirimeve shkaku i profesionit. Qëndroi gjatë në atë që tash në Tiranë është sheshi “Demokracia”, kur u bë tok me ata që përmbysën regjimin për t’i hapur perspektivë vendit. E për më shumë se një vit qëndroi te sheshi i Teatrit Kombëtar për të mbrojtur ndërtesën nga rrënimi.

Sa u përket sheshxhirimeve, çmimet që ka marrë e kritika flasin për një betejë të fituar. Pas protestave të dhjetorit 1990, Shqipëria u hap. Por qëndrimi në shesh për betejën e tretë duket se Edmond Budinës do t’i zgjasë më shumë.