Kulturë

Koncerti “Ramë Lahaj dhe miqtë” me kërkesa për t’u bërë tradicional

Koncerti “Ramë Lahaj dhe miqtë” me kërkesa për t’u bërë tradicional
Foto: Driton Paçarada / KOHA

Dita e parë e gushtit të vitit të kaluar nuk kishte qenë asfare e zakonshme. Vajbi i Prishtinës nuk ishte vetëm zallamahia e pafundme e mërgimtarëve, kafeneve të stërmbushura dhe jetës së natës. Koncerti i hapur “Ramë Lahaj dhe miqtë”, që u mbajt në sheshin “Skënderbeu”, do të bëhej ngjarja e paharruar që iu dha zë arieve të përbotshme të Giuseppe Verdit, Luigi Illicas dhe Giuseppe Giacosas.

E diçka e bukur për sivjet sikur është paralajmëruar të hënën gjatë takimit mes drejtoreshës së Kulturës në Komunën e Prishtinës, Blerta Basholli dhe tenorit Ramë Lahaj, i cili prej ditësh po qëndron në Kosovë.