Kulturë

Artisti që i dha krahë valles shqipe

Artisti që i dha krahë valles shqipe

“Tri herë opinga rrahu dheun/ sikur kërkoi leje prej tij/ pastaj shamia palët ndehu/ me qetësi dhe madhështi/”, janë disa nga vargjet e paharrueshme të Ismail Kadaresë që kishte poetizuar vallen shqiptare që, sipas tij, i çonte sinjal tokës e qiellit i jepte lajm.

Dy ushtarë të Gardës Ceremoniale Shqiptare hijerëndshëm të hënën vunë një kurorë lulesh pranë portretit të kornizuar të një burri në moshë me mustaqe të holla. Ndërsa qëndronin trupdrejtë përballë Muzeut Historik Kombëtar, presidenti i Shqipërisë, Ilir Meta, erdhi për t’u përkulur lehtë përballë fotografisë të atij që vallet autoktone i bëri ikonë identitare.