Kulturë

Mjeshtri i gurit në zanatin e lindur

Mjeshtri i gurit në zanatin e lindur
“Punë të lehtë nuk ka, por kur e përqafon një punë, një zanat, nuk është edhe aq vështirë, sepse ia gjen atë damarin dhe kahun se kah me shku”, thotë Shaban Musaj

“Çka të duash. Veç a din me kërku”, është përgjigjja me siguri maksimale e 32-vjeçarit Shaban Musaj, kur pyetet se çfarë është në gjendje të bëjë me gur. Ndonëse në moshë të re, ai ka një përvojë të gjatë pune me gurë. Është rritur me gurin, e gati dy të tretat e jetës së tij i ka kaluar në këtë zanat, të cilin e kanë punuar edhe babai e gjyshi i tij, sikurse edhe shumica e burrave të zonës së Kijevës e fshatrave përreth. Pjesa më e madhe e këtij territori është gurore, prandaj puna në këtë zonë për shumëkënd është e përcaktuar me lindjen.

Kohët janë të ndryshme edhe në këtë punë, saqë zor se mund të krahasohen njëra me tjetrën. Musaj e mban në mend kur gurët në mal janë nxjerrë me dorë.