Kulturë

Kosova e Shqipëria gati për tri marrëveshjet e radhës në kulturë

Kosova e Shqipëria gati për tri marrëveshjet e radhës në kulturë
Foto: Driton Paçarada/ KD

Qeveria e Kosovës ka vendosur që të lidhë tri marrëveshje për fushën e kulturës me Qeverinë e Shqipërisë. Kalendari i përbashkët kulturor, një marrëveshje për bashkëprodhime filmike dhe një memorandum bashkëpunimi për veprimtarinë botuese dhe librin, janë pjesë e listës së marrëveshjeve që do të nënshkruhen në mbledhjen e dy qeverive, që është paraparë të mbahet të premten në Shkodër. Kalendari me gjithë të metat në implementim nënshkruhet çdo vit qysh prej shkurtit të 2014-s.

Propozimet për të miratuar nënshkrimet e marrëveshjeve i ka bërë ministrja e Kulturës, Vlora Dumoshi, në mbledhjen e Qeverisë të mbajtur të hënën.