Kulturë

Ramadan Musliu – intelektuali i kohërave të vështira

Ramadan Musliu – intelektuali i kohërave të vështira

“Si një petk i vjetruar plot arna/ rri e varur vjeshta/ në gozhdën e ndryshkur të stinës…”. Me frymëzime të epërme në një çast vjeshte të vonë, poeti po përvijëzonte diktatin e kohës mbi statuja e trupa të gjallë. Në vargjet e fundit, qyqja niste të këndonte këngën e ushtarit të vjetër që “fitoret gdhendur i ka në dorëzën e fildishtë të shpatës”.

Mëngjesi i së enjtes kishte jo pak trishtim “vjeshte të vonë”, siç ishte titulli i kësaj poezie: poeti, kritiku letrar dhe publicisti i kahershëm, Ramadan Musliu, ka vdekur në moshën 66-vjeçare.