Kulturë

Poeti fin dhe zëri i veçantë i kritikës letrare

Poeti fin dhe zëri i veçantë i kritikës letrare

Ishte shpresëplotë se kollitjet që po ia mpaknin frymën do t’i kalonte shpejt e brenda pak ditësh do të ishte pranë miqve të zemrës. Por e enjtja e mëngjesit të 22 tetorit gdhiu e trishtueshme për të gjithë.

I shtruar prej ditësh në një nga dhomat e Klinikës Infektive në Prishtinë, poeti, kritiku letrar e publicisti, Ramadan Musliu, nuk ia doli të fitonte betejën e vështirë me virusin e padukshëm. Të premten është varrosur në fshatin e tij të lindjes, në praninë e familjes dhe rrethit të ngushtë.