Kulturë

Avni Mula – maestroja i këngës shqipe

Avni Mula – maestroja i këngës shqipe

Kur Shqipëria nisi të nxjerrë kuadro profesionale në art e kulturë, zëri i tij prej këngëtari lirik spikati ndër të parët. Interpretoi në operat e para që u inskenuan në Tiranë. Avni Mula shpejt do të veçohej edhe si kompozitor. Madje këngët kult si “Valsi i lumturisë” mbajnë vulën e tij. Mula vdiq të enjten. Ai ishte 92 vjeç. Lajmi për vdekjen e Mulës u dha nga e bija e tij, sopranoja me nam botëror, Inva Mula.

“Gjigandi jonë fluturoi në Valsin e Përjetësisë!”, ka bërë të ditur ajo mbrëmjen e së enjtes, derisa lajmin e ka shoqëruar me një fotografi bardhezi, me portretin e të atit në vitet e rinisë. Shuarja e këngëtarit e kompozitorit konsiderohet si një humbje e madhe për artin dhe kulturën shqiptare, shkruan KOHA.