Kulturë

“Newborn” me adrenalinën e “Kolektivit zero38”

“Newborn” me adrenalinën e “Kolektivit zero38”

Grupi i skejterëve të Prishtinës të quajtur “Kolektivi zero38” ka prezantuar për herë të parë filmin e vet që përthekohet me xhirimet amatore. Të enjten mbrëma në “Kino Armata” është shfaqur projekti filmik prej tridhjetë minutash.

Pa skenar dhe me copëza të xhiruara nga qendrat e ndryshme të Kosovës është përmbajtja filmit të titulluar “Newborn”. Lëvizjet krejt spontane të të rinjve me anë të “skive me rrota” mbi beton të shesheve të Prishtinës, Mitrovicës, Gjilanit dhe Tiranës janë të përmbledhura në këtë film të ideuar nga Loren Jupolli. Ai me shokët e tij e kanë ideuar këtë projekt filmik të cilin kanë synim ta prezantojnë edhe në ekranet e festivaleve ndërkombëtare të filmit.