Kulturë

“Motrat” në dramën e dashurisë së pamundur edhe si homazh e sfidë kohësh

“Motrat” në dramën e dashurisë së pamundur edhe si homazh e sfidë kohësh
Shfaqja “Motrat”, nën koreografinë e Mehmet Balkan, ka shënuar premierën e dytë të Baletit Kombëtar të Kosovës për sivjet. Ajo është bërë edhe si homazh në kujtim të ish-drejtorit të këtij institucioni, Ahmet Brahimaj, që vdiq më 7 maj të këtij viti
 

Shkëputja disamujore nuk ka mpakur energjitë e balerinëve. Për më shumë se një muaj, nën kufizimet e vështira të pandemisë, ata kanë punuar për të vënë në skenë shfaqjen “Motrat” – që në origjinal vjen me titull në anglisht “Sisters” – nën koreografinë e Mehmet Balkan. Pasditen e së enjtes vetëm një njeri mungonte. Megjithatë shfaqja e ka bërë të prekshme praninë e njeriut që shkriu gjithçka për Baletin Kombëtar të Kosovës: Ahmet Brahimaj

Dy motra që bien në dashuri është një lajtmotiv më pak i dëgjuar. Sado që është një dashuri që predeterminohet nga një pamundësi e përjetshme, kërshëria njerëzore për to është e njëjtë. Dy zemra që rrahin për të njëjtin mashkull bëjnë që dashuria motërsore – e sfiduar paimagjinueshëm – të tëhollohet mes tensioneve, rivaliteteve e trilleve egërshane.