Kulturë

Kulla e Sylejman Vokshit – shembull i cenimit të monumenteve nga shumëkatëshet

Shumëkatëshja ia ka zënë krejt pamjen Kullës së Sylejman Vokshit në Gjakovë, nga ana e Çarshisë së Vjetër
Shumëkatëshja ia ka zënë krejt pamjen Kullës së Sylejman Vokshit në Gjakovë, nga ana e Çarshisë së Vjetër

Ministrja e Kulturës, Vlora Dumoshi, ka pranuar se hapësira përreth Kullës së Sylejman Vokshit, ku gjenden edhe monumente të tjera, është degraduar nga objektet afariste e banesore. Në Kuvendin e Kosovës, të enjten, derisa ka folur për këtë zonë, Dumoshi ka treguar edhe për investimet e Ministrisë së Kulturës në Kullën e Sylejman Vokshit.

 

Përderisa Ministria e Kulturës heshtte në kohën kur shumëkatëshja në fillimvit ngrihej me shpejtësi afër Kullës së Sylejman Vokshit, Mejtepit Ruzhdije e varrit të Ali Pashë Maxharrit, tash e pranon se në atë zonë në Gjakovë është cenuar trashëgimia kulturore. Rasti konkret është diskutuar të enjten edhe në Kuvendin e Kosovës. Ka qenë vetë institucioni i MKRS-së ai që i hapi rrugë ndërtimit në atë zonë, dhe atë me manipulim dokumentesh

Ministrja e Kulturës, Vlora Dumoshi, ka pranuar se hapësira përreth Kullës së Sylejman Vokshit, ku gjenden edhe monumente të tjera, është degraduar nga objektet afariste e banesore. Në Kuvendin e Kosovës, të enjten, derisa ka folur për këtë zonë, Dumoshi ka treguar edhe për investimet e Ministrisë së Kulturës në Kullën e Sylejman Vokshit.

Kjo çështje është ngritur në seancën e së enjtes nga deputeti Agon Batusha. Ai ka thënë se nëpërmjet ndërtesave shumëkatëshe është cenuar trashëgimia kulturore e Gjakovës. Konkretisht e Kullës së Sylejman Vokshit dhe e monumenteve përreth.