Kulturë

“Zgjoi” në fokus si një prej filmave më të mirë jo vetëm në “Sundance”

“Zgjoi” në fokus si një prej filmave më të mirë jo vetëm në “Sundance”
Yllka Gashi në rolin e Fahrije Hotit në filmin “Zgjoi”, për të cilin të hënën kanë vërshuar kritikat

Pak modesti aty-këtu mund të jetë një gjë shumë e mirë, dhe “Zgjoi” të përplaset në fytyrë si diçka frymëzuese e rraskapitëse edhe në këto kohë të vështira.

 

Të dielën mbrëma, publiku filmdashës në “Sundance Film Festival” u krodh në botën e filmit “Zgjoi” që përshfaq rrëfimin e pazakontë të një gruaje të guximshme krushjane. Sakaq, kritikë amerikanë të filmit e kanë quajtur filmin nën regji të Blerta Bashollit si rrëfim frymëzues për të gjitha gratë në botë. Sipas tyre, performanca e aktores Yllka Gashi, si dhe aftësia e Bashollit si regjisore e skenariste japin në mënyrë sublime rastin e banores së fshatit Krushë e Madhe, Fahrije Hoti, e cila duke sfiduar konvencat shoqërore, merr fatin e saj në dorë dhe bashkë me gra të tjera hapin një biznes

Pak modesti aty-këtu mund të jetë një gjë shumë e mirë, dhe “Zgjoi” të përplaset në fytyrë si diçka frymëzuese e rraskapitëse edhe në këto kohë të vështira.

Pak orë pas premierës botërore të filmit të regjisores Blerta Basholli në edicionin e sivjetmë të “Sundance Film Festival”, kritikë të huaj nuk kanë vonuar të vënë në pah vlerat estetike dhe mesazhet universale të “Zgjoit”.