Kulturë

Si dhe çka të lexojmë në kohëra digjitale?

Leximi, gazeta, digjitalizimi, cilësia, cektësia dhe shpërqendrimi. Një ftesë për lexim nga një shkrimtar austriak.

 

Leximi, gazeta, digjitalizimi, cilësia, cektësia dhe shpërqendrimi. Një ftesë për lexim nga një shkrimtar austriak.

Leopold Federmair është shkrimtar austriak. Është edhe përkthyes dhe profesor universitar. Jeton në Hiroshimë të Japonisë. Në një ese për gazetën zvicerane «Neue Zürcher Zeitung» Leopold Federmair ka shkruar mbi rëndësinë e gazetave dhe librave të shtypura - përkundër ortekut dominues të mediave digjitale. Në vijim një përmbledhje e disa mendimeve të vlefshme të Leopold Federmair. Ai shkruan: si 16-vjeçar e bleja në stacion të trenit gazetën «Die Zeit», një pako e madhe letre të shtypur. Ndoshta e bleja për t'u bërë përshtypje të tjerëve, sepse intelektualisht më sfidonte. Megjithatë, isha i bindur se kjo gazetë ishte gjëja e duhur që duhet të lexoj.