Kulturë

“DokuFesti” e fut Kosovën në mesin e atraksioneve botërore me kinema

“DokuFesti” e fut Kosovën në mesin e atraksioneve botërore me kinema
Kinemaja në Kalanë e Prizrenit (Foto: Samir Karahoda)

Vlerësimi i radhës në arenën ndërkombëtare ka ardhur gjatë këtyre ditëve për “DokuFestin”. Kësaj radhe kinemaja e këtij festivali në Kalanë e Prizrenit është renditur në mesin e alamet kinemave botërore. “Time Out” e ka listuar atë në mesin e 40 kinemave më të bukura nën qiell të hapur, teksa i ka ftuar lexuesit e vet që ta realizojnë një shëtitje nëpër kinematë më spektakolare nën yje në planet.

 

Në listë janë alamet kryeqendrash botërore, e aty është edhe Prizreni. Mediumi global “Time Out”, Kinemanë në Kalanë e Prizrenit e ka radhitur në vendin e 16-të në atë që e quan shëtitje nëpër kinematë më spektakolare në ambient. “Natyrisht, u gëzuam shumë për vlerësimin, i cili sa është për kinemanë dhe ‘DokuFest-in’, aq është edhe për Prizrenin dhe Kosovën. Kur vlerësimi vjen nga një media globale sikur ‘Time Out London’, gëzimi është edhe më i madh”, ka thënë Veton Nurkollari, drejtor artistik i “DokuFestit”

Vlerësimi i radhës në arenën ndërkombëtare ka ardhur gjatë këtyre ditëve për “DokuFestin”. Kësaj radhe kinemaja e këtij festivali në Kalanë e Prizrenit është renditur në mesin e alamet kinemave botërore. “Time Out” e ka listuar atë në mesin e 40 kinemave më të bukura nën qiell të hapur, teksa i ka ftuar lexuesit e vet që ta realizojnë një shëtitje nëpër kinematë më spektakolare nën yje në planet.

Mediumi global, Kinemanë në Kalanë e Prizrenit e ka radhitur në vendin e 16-të, duke përshkruar se si në këtë vend gjatë festivalit, në muajin gusht, mirëpriten turmat ndërkombëtare për një javë me filma dokumentarë dhe të shkurtër me ndikim. Derisa përmendet themelimi i festivalit nga një grup i shokëve, afër dy dekada më parë, “Time Out” u jep merita edhe ndërtuesve të këtij monumenti të trashëgimisë kulturore.