Kulturë

Pianisti Dino Imeri me kryevepra gjen harmoninë e lirinë në muzikë

Pianisti Dino Imeri beson se nëse luan një program që ai e ka për zemër, edhe publiku do ta ketë më të lehtë që të krijojë lidhshmëri me punën e tij

Që në fillim të interpretimit të Dino Imerit vërehet ngjyrimi artistik që ai ua jep veprave të njohura. Emocionet e ndjenjat nuk i kursen edhe në veprat të cilat i ka kompozuar vetë. E rëndësishme për të është që kurdo që i jepet mundësia nëpërmjet muzikës t’i shprehë emocionet. Beson se nëse luan një program që ai e ka për zemër, edhe publiku do ta ketë më të lehtë që të krijojë lidhshmëri me punën e tij. Kështu ishte edhe të hënën mbrëma. Imeri ishte mysafir i radhës në kuadër të edicionit të 11-të të “Chopin Piano Festit”. Edicioni i sivjetmë nisi më 30 maj dhe përfundon më 30 qershor.

 

Për pianistin Dino Imeri nga Maqedonia e Veriut muzika është gjithçka. Një medium universal, që i lidh njerëzit, por edhe tek i cili gjejnë gjithçka që u duhet. Vetë ai e ka me rëndësi që të përçojë emocione nëpërmjet muzikës pa e kufizuar veten. Një interpretim të tillë ia ka dhuruar edhe Prishtinës

Që në fillim të interpretimit të Dino Imerit vërehet ngjyrimi artistik që ai ua jep veprave të njohura. Emocionet e ndjenjat nuk i kursen edhe në veprat të cilat i ka kompozuar vetë. E rëndësishme për të është që kurdo që i jepet mundësia nëpërmjet muzikës t’i shprehë emocionet. Beson se nëse luan një program që ai e ka për zemër, edhe publiku do ta ketë më të lehtë që të krijojë lidhshmëri me punën e tij. Kështu ishte edhe të hënën mbrëma. Imeri ishte mysafir i radhës në kuadër të edicionit të 11-të të “Chopin Piano Festit”. Edicioni i sivjetmë nisi më 30 maj dhe përfundon më 30 qershor.

Dino Imeri njihet për punën e tij në muzikën klasike, si dhe në një larmi zhanresh të ndryshme. Ai ka performuar me Filharmoninë e Maqedonisë, Filharmoninë e Sofjes, Orkestrën “JMM”. Ka perfomuar në shumë recitale në shumë vende evropiane dhe festivale prestigjioze, si në “Vatroslav Lisinski” në Zagreb të Kroacisë, “Schloss Esterhazy” dhe “Liszt Zentrum” në Austri, “Piano Plage Festival” në Francë, në Festivalin e Lubjanës, Festivalin Veror të Ohrit, Festivalin Veror të Shkupit dhe “Interfest” në Manastir e Strugë, si dhe në organizime të tjera.