Kulturë

“Ngom Fest” në Kalanë e Prizrenit për ta thyer qetësinë e pandemisë

Nic Warren në “Ngom Fest” më 2019 (Foto: Elmedina Arapi)

“Ngom Festi” mbetet në misionin e njëjtë tek synon ta përçojë mesazhin kryesor që ka: mbrojtjen e trashëgimisë kulturore. Edhe vetë strehë ka gjetur pikërisht në një monument të tillë – në Kalanë e Prizrenit. Pas pauzës për shkak të pandemisë është rikthyer për ta shënuar dekadën e tij të parë. Ka mbledhur artistë të njohur të skenës në vend. Edicioni i sivjetmë do të nisë sonte, e do të zgjasë deri të dielën.

 

“Ngom Festi” mbetet në misionin e njëjtë tek synon ta përçojë mesazhin kryesor që ka: mbrojtjen e trashëgimisë kulturore. Edhe vetë strehë ka gjetur pikërisht në një monument të tillë – në Kalanë e Prizrenit. Pas pauzës për shkak të pandemisë është rikthyer për ta shënuar dekadën e tij të parë. Ka mbledhur artistë të njohur të skenës në vend. Edicioni i sivjetmë do të nisë sonte, e do të zgjasë deri të dielën.

Festivali i cili në fillimet e tij ishte i njohur si ngjarje nomade, teksa zhvendosej prej një lokacioni në tjetrin, për herë të parë ishte vendosur në kala, në edicionin e tij të 6-të. Në këtë lokacion është tash e katër vjet. Kësisoj, çdo verë, Kalaja e Prizrenit, e cila shtrihet në kodrën me lartësi 525 metra mbi nivelin e detit, pushtohet nga artistë vendorë dhe ndërkombëtarë. Mirëpo këtë herë veç artistët vendorë janë në listën e atyre që do t’i argëtojnë vizitorët e Festivalit.