Kulturë

Bekim Lumi i artësimit nëpërmjet artit

Bekim Lumi (17 dhjetor 1966 – 30 korrik 2018)

Në trevjetorin e vdekjes së tij, familjarë, miq e bashkëpunëtorë të tij kanë ndier që misioni i Bekim Lumit nuk ka përfunduar. Sa qe gjallë, ai krijoi neologjizmin “artësim”, që tek ai shkoqitej kuptimisht si lartësim, emancipim, iluminim dhe fisnikërim përmes artit. Në këtë përvjetor të ikjes së tij do të shpaloset edhe një profil tjetër jo fort i njohur i tij – si poet. Të shkruara hem në Tiranë, hem në Mynih, një duzinë poezish janë dëshmi e një shpirti që përpiqej për “artësimin” e të tjerëve. Gjatë viteve studentore, regjisori i ardhshëm, Bekim Lumi, po e sprovonte veten me poezi. Duke eksperimentuar sipas lirshmërisë së infinitshme të postmodernes, artisti-misionar nga Prishtina përcillte me varg, metaforë e gjuhë poetike nënqiellin e murrëtyer të viteve ’90 në Kosovë

 

Në trevjetorin e vdekjes së tij, familjarë, miq e bashkëpunëtorë të tij kanë ndier që misioni i Bekim Lumit nuk ka përfunduar. Sa qe gjallë, ai krijoi neologjizmin “artësim”, që tek ai shkoqitej kuptimisht si lartësim, emancipim, iluminim dhe fisnikërim përmes artit. Në këtë përvjetor të ikjes së tij do të shpaloset edhe një profil tjetër jo fort i njohur i tij – si poet. Të shkruara hem në Tiranë, hem në Mynih, një duzinë poezish janë dëshmi e një shpirti që përpiqej për “artësimin” e të tjerëve. Gjatë viteve studentore, regjisori i ardhshëm, Bekim Lumi, po e sprovonte veten me poezi. Duke eksperimentuar sipas lirshmërisë së infinitshme të postmodernes, artisti-misionar nga Prishtina përcillte me varg, metaforë e gjuhë poetike nënqiellin e murrëtyer të viteve ’90 në Kosovë

 

Ishte ditë e hënë e 30 korrikut të vitit 2018 kur mileut të artit iu mpakën radhët. Një betejë thjesht e pamundur me sëmundjen i preu jetën regjisorit, skenaristit e krijuesit Bekim Lumi, në moshën 52-vjeçare. Edhe kur fuqitë po e linin dora-dorës nga terapitë që merrte, ai prapëseprapë merrte rrugën drejt Teatrit Kombëtar të Kosovës për shfaqjen “Arturo Ui”, tek e cila kërkesat i mbante të larta gjer në hollësitë më të imta. Kjo shfaqje, së cilës nuk ia pa kurrëherë premierën, do të merrte çmimin “Regjia më e Mirë e Vitit” nga Ministria e Kulturës.