Kulturë

“GRANFest” bashkon imagjinatën, inspirimin dhe fuqinë e romanit grafik

Mozaik historish nga dhjetë artistë botërorë e vendorë janë bashkuar në Galerinë e Fakultetit të Arteve në Prishtinë, në ekspozitën që është hapur të premten mbrëma, pak minuta pas ceremonisë që i ka dhënë dritën e gjelbër edicionit të dytë të “GRANFestit”

Rezistencës së shoqërisë globale ndaj kërcënimit pandemik, “GRANFesti” i është bashkuar këtë vit me imazhe që lidhin histori nga vende të ndryshme. Me këtë, Festivali Ndërkombëtar i Romanit Grafik, në edicionin e dytë zbërthen fuqinë e romanit grafik. Historitë prekin në realitetin shqiptar dhe bëjnë lidhjen me ndodhitë e botës. Sa janë universale, janë edhe personale. Të gjitha këto kanë krijuar një mozaik historish nga dhjetë artistë që vijnë nga shtete të ndryshme e të cilët janë bashkuar në Galerinë e Fakultetit të Arteve në Prishtinë, në ekspozitën që është hapur pak minuta pas ceremonisë që i ka dhënë “dritën e gjelbër” shpalosjes së rrëfimeve të vizualizuara. Si e tillë, ekspozita është si një shëtitje nëpër histori shumëngjyrëshe. Aty, jo të gjithë personazhet komunikojnë në dialog. Por, imazhi është ai që të fut brenda kornizave të këndvështrimeve të autorëve. Dhe, imagjinata i dorëzohet atij. Ky aktivitet me rreth njëqind imazhe nga romanet grafike është vetëm si prolog për një sërë aktivitetesh ku trajtohet gruaja në novelën grafike – si artiste e autore – por edhe si epiqendër e rrëfimeve të novelave grafike.

 

Festivali Ndërkombëtar i Romanit Grafik, rikthehet me fuqinë e romanit grafik pas anulimit të vjetëm. Pos që mposht pandeminë edhe me magjinë e artit të nëntë, vjen si ngjarje që tejkalon përmasat e festivalit, duke shërbyer si inspirim për gjenerata të reja autorësh në këtë lëmi. Të premten mbrëma, ceremonia solemne i ka paraprirë ekspozitës ku emra të shquar botërorë, bashkë me kolegë vendorë, kanë bashkuar në një vend mjeshtërinë e tyre në shpalosje rrëfimesh. Gratë janë në fokus, e arsye për përcaktim të organizatorëve të “GRANFestit”, janë sukseset e triumfet e tyre. “Ambicia kryesore prapa kësaj është që një ditë të kemi autorë kosovarë që t’i inspirojmë dhe të krijojmë mundësi”, ka thënë Gani Jakupi, organizator e themelues i Festivalit. Kryeministri Albin Kurti ka folur për fuqinë e romanit grafik që ec një hap tutje me imagjinatën

Rezistencës së shoqërisë globale ndaj kërcënimit pandemik, “GRANFesti” i është bashkuar këtë vit me imazhe që lidhin histori nga vende të ndryshme. Me këtë, Festivali Ndërkombëtar i Romanit Grafik, në edicionin e dytë zbërthen fuqinë e romanit grafik. Historitë prekin në realitetin shqiptar dhe bëjnë lidhjen me ndodhitë e botës. Sa janë universale, janë edhe personale. Të gjitha këto kanë krijuar një mozaik historish nga dhjetë artistë që vijnë nga shtete të ndryshme e të cilët janë bashkuar në Galerinë e Fakultetit të Arteve në Prishtinë, në ekspozitën që është hapur pak minuta pas ceremonisë që i ka dhënë “dritën e gjelbër” shpalosjes së rrëfimeve të vizualizuara. Si e tillë, ekspozita është si një shëtitje nëpër histori shumëngjyrëshe. Aty, jo të gjithë personazhet komunikojnë në dialog. Por, imazhi është ai që të fut brenda kornizave të këndvështrimeve të autorëve. Dhe, imagjinata i dorëzohet atij. Ky aktivitet me rreth njëqind imazhe nga romanet grafike është vetëm si prolog për një sërë aktivitetesh ku trajtohet gruaja në novelën grafike – si artiste e autore – por edhe si epiqendër e rrëfimeve të novelave grafike.

Tre prej librave nga tri gra vendesh të ndryshme evropiane janë përkthyer edhe në shqip. Për ta bërë këtë shkëmbim kulturor, “GRANFest” ka zgjedhur javën e dytë të tetorit në mënyrë që t’i shmanget kërcënimit të shëndetit, si të publikut dhe të mysafirëve. Edicioni i këtij viti – që rikthehet pas anulimit vitin e kaluar – ka të ftuar artistë të ndryshëm, emra të përveçëm të romanit grafik si: Judith Vanistendael, Edith, Lilie Sohn, Aude Mermilliaud, Salome Joly, David Prudhomme, Stefano Casini, Sonia Dechamps, Shpend Kada dhe Dardan Luta.