Kulturë

Monumentet si potencial, censurohet tema për Manastirin e Deçanit

Në ditën e dytë të “Ilucidare Playground & Conference”, të martën në kinemanë “Jusuf Gërvalla” në Pejë, janë shpalosur edhe shembujt se si nëpërmjet festivaleve promovohet edhe trashëgimia kulturore

Fakti që një organizatë evropiane e ka shpallur Manastirin e Deçanit si “monument në rrezik” ka nisur të krijojë telashe edhe në aktivitete të trashëgimisë kulturore. Bile edhe në aso që financohen nga vetë Bashkimi Evropian. Në konferencën katërditore që po mbahet në Pejë, të organizuar nga projekti i mbështetur nga fondet e BE-së, “Ilucidare”, një ligjëratë e punëtori për Manastirin e Deçanit, nuk është lejuar të mbahet fare. Shumica e organizatorëve i kanë thënë “jo” seminarit e punëtorisë me titull “Çfarë shkoi keq, cilët janë hapat e ardhshëm për Manastirin e Deçanit”. Për këtë ka reaguar ajo që ishte ftuar për të ligjëruar mbi këtë temë, profesoresha e Universitetit të Cambridges, Nora Weller.

 

Në tekstet promovuese të ngjarjes organizuar në kuadër të projektit “Ilucidare” përkrahur nga BE-ja, ndër të tjera shkruhet se aty shqyrtohen edhe tema se si “bashkëpunimi përtej kufijve mundëson shmangien e mosmarrëveshjeve diplomatike dhe mundëson promovimin e dialogut përmes trashëgimisë kulturore”. Por për një çështje ka pasur kufij: Manastirin e Deçanit. Profesoreshës së Universitetit të Cambridges, Nora Weller, nuk i është lejuar ligjërata për monumentin i cilin “Europa Nostra” në prillin e këtij viti me raporte të Serbisë e futi në listën e 7 monumenteve të rrezikuara të Evropës. Weller i ka akuzuar organizatorët për censurë. E njëri prej bashkorganizatorëve lokalë ia ka konfirmuar KOHËS se tema e saj nuk është lejuar, duke u konsideruar si çështje e ndjeshme

Fakti që një organizatë evropiane e ka shpallur Manastirin e Deçanit si “monument në rrezik” ka nisur të krijojë telashe edhe në aktivitete të trashëgimisë kulturore. Bile edhe në aso që financohen nga vetë Bashkimi Evropian. Në konferencën katërditore që po mbahet në Pejë, të organizuar nga projekti i mbështetur nga fondet e BE-së, “Ilucidare”, një ligjëratë e punëtori për Manastirin e Deçanit, nuk është lejuar të mbahet fare. Shumica e organizatorëve i kanë thënë “jo” seminarit e punëtorisë me titull “Çfarë shkoi keq, cilët janë hapat e ardhshëm për Manastirin e Deçanit”. Për këtë ka reaguar ajo që ishte ftuar për të ligjëruar mbi këtë temë, profesoresha e Universitetit të Cambridges, Nora Weller.

Por rasti i Manastirit nuk ka mbetur pa u përmendur, madje pikërisht lidhja e këtij monumenti mesjetar me organizatën evropiane “Europa Nostra”.