Kulturë

Franca pret “Pesë stinët e armikut të popullit”, Ministria s’e hap kuletën

Kushtrim Qerimi dhe Armend Smajli në “Pesë stinët e armikut të popullit” (Foto: Jetmir Idrizi/Multimedia)

Pavarësisht se Qeveria e Kosovës nuk i gjeti rreth dy mijë euro që ta ndihmojë prezantimin e një shfaqjeje teatrore në Francë, “Pesë stinët e armikut të popullit” nuk do ta ndalë rrugën. Qysh në qershor i kishin kërkuar Ministrisë së Kulturës që ta përkrahte udhëtimin vetëm me bileta për avion. E në ditën e 23-të të këtij muaji në festivalin ndërkombëtar “Sens Interdits”, në kuadër të programit “Theatre de l’urgence” në Lyon do të jepet për publikun shfaqja nën regji të Blerta Rrustemi-Nezirajt e me tekst të Jeton Neziraj. Një ditë më pas ajo do të reprizohet në festivalin që ka nisur në vitin 2009, e që ka për synim që të nxjerrë në pah problemet që i trajton ai që njihet si “teatër politik”.

 

Të kota kanë qenë pritjet e ekipit të “Pesë stinëve të armikut të popullit” qysh prej qershorit të sivjetmë, kur sapo kishte marrë ftesën për në Francë i ishin drejtuar Ministrisë së Kulturës me kërkesë për rreth dy mijë euro mbulim shpenzimesh të udhëtimit. Të martën, qendra “Multimedia” ka rikujtuar se po niset për në festivalin “Sens Interdits” në Lyon. “Diçka e çuditshme dhe fort befasuese – megjithëse jo edhe e papritshme”, ka thënë dramaturgu Jeton Neziraj, i cili e ka shkruar tekstin e shfaqjes

Pavarësisht se Qeveria e Kosovës nuk i gjeti rreth dy mijë euro që ta ndihmojë prezantimin e një shfaqjeje teatrore në Francë, “Pesë stinët e armikut të popullit” nuk do ta ndalë rrugën. Qysh në qershor i kishin kërkuar Ministrisë së Kulturës që ta përkrahte udhëtimin vetëm me bileta për avion. E në ditën e 23-të të këtij muaji në festivalin ndërkombëtar “Sens Interdits”, në kuadër të programit “Theatre de l’urgence” në Lyon do të jepet për publikun shfaqja nën regji të Blerta Rrustemi-Nezirajt e me tekst të Jeton Neziraj. Një ditë më pas ajo do të reprizohet në festivalin që ka nisur në vitin 2009, e që ka për synim që të nxjerrë në pah problemet që i trajton ai që njihet si “teatër politik”.

Në shfaqjen e qendrës “Multimedia” luajnë aktorët: Armend Smajli, Shpetim Selmani, Egzona Ademi, Kushtrim Qerimi, Afrim Muçaj dhe Verona Koxha, kurse muzikantët janë: Drin Tashi, Tomor Kuçi, dhe Arbër Salihu. Skenografinë dhe kostumet janë të realizuara nga M. Nurullah Tuncer, muzikën e ka komponuar Irena Popovic-Dragoviq, ndërsa koreografinë Gjergj Prevazi.