Kulturë

“Libërthi i dashurisë” i Shpëtim Selmanit “flet” gjermanisht

“Libërthi i dashurisë” i Shpëtim Selmanit, përkthyer nga Zuzana Finger, në gjermanisht vjen me titullin “Notizbuch der Liebe”

Shtëpia botuese gjermane “Parasitenpresse” po vazhdon serinë e saj të publikimit të prozave ndërkombëtare. Kësaj radhe sjell “Libërthin e dashurisë” të autorit shqiptar Shpëtim Selmani. Ka bërë të ditur se tashmë 33 tregimet e shkurtra në të cilat Selmani tregon për jetën e tij si një shkrimtar në Ballkan, për takimet e tij në Prishtinë, Tiranë, Beograd, Leipzing dhe Berlin, por edhe për dashurinë e tij të madhe, janë përkthyer e botuar edhe në gjuhën gjermane. E Selmani ka bërë të ditur për KOHËN se “Libërthi i dashurisë”, të cilën vetë autori e përshkruan si vepër me elemente poetike, tashmë është në proces të botimit edhe në frëngjisht, bullgarisht dhe serbisht.

 

Libri që shkrimtarit Shpëtim Selmani vitin e kaluar ia solli Çmimin Letrar të Bashkimit Evropian tashmë është botuar në gjermanisht, përderisa është në proces të botimit edhe në frëngjisht, bullgarisht dhe serbisht. “Çdo libër ka fatin e vet. Prandaj, shpresoj ta ketë fatin e mirë. Ne kemi treg fatkeqësisht jo të madh dhe problematik. Shpresoj që gjermanët do ta mirëpresin dhe të ma japin një shtëpi. Do të doja të jetoja atje”, ka thënë Selmani për KOHËN

Shtëpia botuese gjermane “Parasitenpresse” po vazhdon serinë e saj të publikimit të prozave ndërkombëtare. Kësaj radhe sjell “Libërthin e dashurisë” të autorit shqiptar Shpëtim Selmani. Ka bërë të ditur se tashmë 33 tregimet e shkurtra në të cilat Selmani tregon për jetën e tij si një shkrimtar në Ballkan, për takimet e tij në Prishtinë, Tiranë, Beograd, Leipzing dhe Berlin, por edhe për dashurinë e tij të madhe, janë përkthyer e botuar edhe në gjuhën gjermane. E Selmani ka bërë të ditur për KOHËN se “Libërthi i dashurisë”, të cilën vetë autori e përshkruan si vepër me elemente poetike, tashmë është në proces të botimit edhe në frëngjisht, bullgarisht dhe serbisht.

“Parasitenpresse” është shtëpi e pavarur botuese me seli në Köln. Boton vepra shkrimtarësh që nuk janë gjermanishtfolës dhe të atyre ndërkombëtarë që prej vitit 2000. Këtë vit, pikërisht për këtë mision është me Çmimin gjerman për botues. Boton rreth 15 tituj të rinj në vit.