Kulturë

Qeveria e Shqipërisë cakton rregullat e fondit për pronarë monumentesh

Shtëpia e familjes Bullari, monument kulturor i kategorisë së parë në Berat
 

Qeveria e Shqipërisë të mërkurën ka caktuar rregullat e funksionimit të fondit për kujdesin ndaj trashëgimisë kulturore, një nismë e bërë publike në fillim të këtij muaji me emrin “Bonusi i Rijetësimit”, nga e cili prej 10 mijë deri në 50 mijë dollarë do të mund të përfitojnë nga shteti pronarët e banesave nëpër qendra historike të qyteteve. Në grupin e parë bëjnë pjesë ata që synojnë t’i restaurojnë shtëpitë e banesat e tyre, përderisa ata që futen në një plan transformimi dhe vënie në funksion ekonomik të shtëpisë mund të përfitojnë deri në pesëfish më shumë.

Ministrja e Kulturës e Shqipërisë, Elva Margariti, citohet të ketë thënë të mërkurën në mbledhjen e Ekzekutivit se rregullat se si mund të shfrytëzohet dhe si funksionon ky fond janë përcaktuar qartazi nëpërmjet një vendimi.