Kulturë

Polemikat për Xhafer Devën pezullojnë projektin, rrezikohet monumenti

Derisa debati për Xhafer Devën vazhdon, Shtëpia që dikur i takonte atij tash për tash nuk do të restaurohet...

Reagimet e atyre që sipas disa profesionistëve të trashëgimisë kulturore kanë nisur një debat të kotë, kanë dhënë rezultat: UNDP-ja dhe BE-ja kanë pezulluar punën për restaurimin e Shtëpisë së Xhafer Devës. Qasja e Zyrës së Bashkimit Evropian në Kosovë si bashkëfinancuese e projektit dhe UNDP-së si implemtuese, ka ndërruar edhe në raport me vetë qëndrimet e këtyre institucioneve. Fiks para katër ditësh dyshja ishte e prerë: ndanin historinë e ish-pronarit, Xhafer Deva, në raport me vlerat monumentale të Shtëpisë dhe funksionin që do të ketë ajo.

 

Nëse monumenti gati njëshekullor ka vlera, ka qenë temë dytësore në vlugun e debatit për Xhafer Devën si bashkëpunëtor i nazistëve. Paradite Ministria e Kulturës ka dalë e vendosur për restaurimin e objektit për vlerat arkitektonike. Pasdite ka heshtur. BE-ja dhe UNDP-ja para katër ditësh, po ashtu, mbronin qëndrimin për restaurim, duke e ndarë monumentin nga ish-pronari. Të martën pasdite e kanë pezulluar projektin. Monumenti, ashtu sikurse dy dekadat e fundit, sërish hyn në kapitullin e rrezikimit

Reagimet e atyre që sipas disa profesionistëve të trashëgimisë kulturore kanë nisur një debat të kotë, kanë dhënë rezultat: UNDP-ja dhe BE-ja kanë pezulluar punën për restaurimin e Shtëpisë së Xhafer Devës. Qasja e Zyrës së Bashkimit Evropian në Kosovë si bashkëfinancuese e projektit dhe UNDP-së si implemtuese, ka ndërruar edhe në raport me vetë qëndrimet e këtyre institucioneve. Fiks para katër ditësh dyshja ishte e prerë: ndanin historinë e ish-pronarit, Xhafer Deva, në raport me vlerat monumentale të Shtëpisë dhe funksionin që do të ketë ajo.

Të martën në debat është përfshirë edhe ministri i Kulturës, Hajrulla Çeku. Ka mbrojtur restaurimin.