Kulturë

Cannes i rikthehet shkëlqimi me fuqinë e kinemasë si thirrje për paqe

Festivali i Filmit në Cannes sivjet rikthehet në versionin tradicional, me glamurin për të cilin shquhet / Fotot:AP

Festivali më i madh i filmit në botë, ai i Cannes, përgatitjet për sivjet i kishte nisur me idenë se do të festohej jubileu i 75-vjetorit. Por festa me glamur qysh prej hapjes së festivalit në rivierën franceze, ka nisur edhe me thirrje kundër luftërave e me mesazhe të drejtpërdrejta për ndaljen e invazionit rus në Ukrainë.

 

Është pushtuar nga bota e filmit, dhe siç shihet nëpër imazhe e raportime direkte, Festivali i Filmit në Cannes, vjen më shkëlqim në kohë lufte. Hapja, të martën mbrëma është bërë edhe me fjalimin e presidentit ukrainas, Volodymyr Zelenskyy, i cili ka potencuar fuqinë e kinemasë në luftë për liri. Kosova sivjet ka përfaqësim të trefishtë: pos shtandit në Tregun e filmit “DokuFesti” ka një kapitull të veçantë, e Alban Ukaj është zëri tjetër shqiptar në këtë edicion. Luan në filmin “Tori dhe Lokita” të vëllezërve Dardenne, që garon për “Palmën e Artë”

Festivali më i madh i filmit në botë, ai i Cannes, përgatitjet për sivjet i kishte nisur me idenë se do të festohej jubileu i 75-vjetorit. Por festa me glamur qysh prej hapjes së festivalit në rivierën franceze, ka nisur edhe me thirrje kundër luftërave e me mesazhe të drejtpërdrejta për ndaljen e invazionit rus në Ukrainë.

Bile, para se të ndizej projektori për filmin që ka hapur edicionin e 75-të të Festivalit të Cannes, ai është ndezur për të dëgjuar fjalimin e udhëheqësit të popullit ukrainas, njëherësh prijësit të luftës kundër pushtimit rus, presidentit Volodymyr Zelenskyy. Ceremonia është transmetuar direkt në kanalin zyrtar të Festivalit.