Kulturë

“Zgjimi i pranverës” çon në Slloveni jetesën e viteve ’90 në Kosovë

Skenë e shfaqjes “Zgjimi i pranverës” dhënë në Nova Gorica të Sllovenisë

Shfaqja për gati dy orë u kthehet rinisë së viktimave të luftës së fundit në Kosovë. Me muzikë rock shpërfaqen ëndrrat e shtrydhura e kapërcen nëpër mesazhe universale. Shfaqja prek nëpër fragmente të muzikës rock, që pati zhvillim të hovshëm gjatë viteve ’80 e ’90 në Kosovë. Si një sukses më vete, regjisorja Zana Hoxha e ka cilësuar edhe paraqitjen në skenën e teatrit slloven. Shfaqja është dhënë në praninë e presidentes së Kosovës, Vjosa Osmani, ministres së Kulturës në Slloveni, Asta Vrecko dhe kryebashkiakut, Klemen Miklavic

 

Shfaqja për gati dy orë u kthehet rinisë së viktimave të luftës së fundit në Kosovë. Me muzikë rock shpërfaqen ëndrrat e shtrydhura e kapërcen nëpër mesazhe universale. Shfaqja prek nëpër fragmente të muzikës rock, që pati zhvillim të hovshëm gjatë viteve ’80 e ’90 në Kosovë. Si një sukses më vete, regjisorja Zana Hoxha e ka cilësuar edhe paraqitjen në skenën e teatrit slloven. Shfaqja është dhënë në praninë e presidentes së Kosovës, Vjosa Osmani, ministres së Kulturës në Slloveni, Asta Vrecko dhe kryebashkiakut, Klemen Miklavic

Një rrëfim që kapërcen nëpër një prej plagëve më të mëdha të historisë së Kosovës së fundmi është prezantuar në një prej skenave më moderne në Slloveni. Teatri Kombëtar i Sllovenisë në Nova Gorica ka mirëpritur shfaqjen “Zgjimi i pranverës” nën regji të Zana Hoxhës. Shfaqja e cila është prodhim i “ArtPolis” me Teatrin Kombëtar të Kosovës është dhënë premierë në qershor të vitit 2020 në Prishtinë, pikërisht në TKK. Që prej atëherë ka pasur një rrugëtim të gjatë suksesesh e çmimesh.

Si një sukses më vete, regjisorja Zana Hoxha e ka cilësuar edhe paraqitjen në skenën e teatrit slloven të hënën mbrëma. Shfaqja është dhënë në praninë e presidentes së Kosovës, Vjosa Osmani, ministres së Ministrisë së Kulturës në Slloveni, Asta Vrecko, dhe kryebashkiakut, Klemen Miklavic.