Kulturë

“Kcimi i Tropojës” e Eposi i Kreshnikëve ndjekin xhubletën në UNESCO

Qeveria e Shqipërisë ka njoftuar se për në UNESCO po përgatiten edhe “Kcimi i Tropojës” e Eposi i Kreshnikëve me lahutë, është ambicia tjetër e radhës
Qeveria e Shqipërisë ka njoftuar se për në UNESCO po përgatiten edhe “Kcimi i Tropojës” e Eposi i Kreshnikëve me lahutë, është ambicia tjetër e radhës

Xhubleta në “Listën e mbrojtjes urgjente” të UNESCO-s tashmë mund të llogaritet si rast suksesi, por Qeveria e Shqipërisë ka njoftuar se synimet janë që edhe asete të tjera të trashëgimisë shpirtërore ose jomateriale të bëhen pjesë e trashëgimisë botërore. Është në përgatitje të dosjeve për “Kcimin e Tropojës” dhe Eposin e Kreshnikëve. Në fakt, dosja e Eposit ka një histori më të gjatë shoqëruar edhe me përplasje e mungesë koordinimi e që u riaktualizua kur Serbia e futi në UNESCO “Të kënduarit me gusle”

 

Xhubleta në “Listën e mbrojtjes urgjente” të UNESCO-s tashmë mund të llogaritet si rast suksesi, por Qeveria e Shqipërisë ka njoftuar se synimet janë që edhe asete të tjera të trashëgimisë shpirtërore ose jomateriale të bëhen pjesë e trashëgimisë botërore. Është në përgatitje të dosjeve për “Kcimin e Tropojës” dhe Eposin e Kreshnikëve. Në fakt, dosja e Eposit ka një histori më të gjatë shoqëruar edhe me përplasje e mungesë koordinimi e që u riaktualizua kur Serbia e futi në UNESCO “Të kënduarit me gusle”

Shqipëria s’e ka ndërmend të ndalet në përfshirjen e të tjera aseteve të trashëgimisë kulturore në UNESCO. Të paktën deklarativisht, Qeveria e Shqipërisë ka bërë të ditur se është në përgatitje të dosjeve për “Kcimin e Tropojës” dhe Eposin e Kreshnikëve. Pas xhubletës, synimet janë që edhe asete të tjera të trashëgimisë shpirtërore ose jomateriale të bëhen pjesë e trashëgimisë botërore.

Ministrja e Kulturës e Shqipërisë, Elva Margariti, nga Rabati i Marokut, ku po qëndron në kuadër të punimeve të Sesionit të 17-të të Komitetit Ndërqeveritar për Mbrojtjen e Trashëgimisë Kulturore Jomateriale të UNESCO-s, ka bërë të ditur planet e tjera të shtetit shqiptar sa i përket trashëgimisë kulturore në raport me Organizatën e Kombeve të Bashkuara për Edukim, Shkencë dhe Kulturës.