LAJMET E MBRËMJES

Opozita fajëson Qeverinë për keqmenaxhim me situatën energjetike në vend

Foto: Alban Bujari \ KOHA
 

Paralajmërimi i reduktimeve të energjisë 6 orë me rrymë dhe 2 pa të, ka nxitur reagime të partive opozitare dhe shoqërisë civile. Ato kanë fajësuar Qeverinë Kurti për siç kanë thënë, paaftësi për menaxhim me krizë të energjisë.

Anëtari i Kryesisë së Partisë Demokratike të Kosovës, Bernard Nikaj, ka thënë se reduktimet në mes të gushtit është "dështim kapital i logjikës rrugë pa krye” të kryeministrit Albin Kurti.