LAJMET E MBRËMJES

Këshilli i Ambasadorëve Shqiptarë: Gjuha e Vuçiqit si e Millosheviqit

 

Gjuhën e presidentit serb ndaj kryeministrit të Kosovës dhe bashkëpunëtorëve të tij nga komuniteti serb që nuk pajtohen me politikën e Serbisë, Këshilli i Ambasadorëve Shqiptarë e ka kualifikuar si denigruese dhe konfliktnxitëse. Vuçiqi reagoi kësisoj pasi që Kurti emëroi Rashiqin ministër të tij. E pikërisht për këtë vendim presidenti serb ka kërcënuar se nuk do të marrë pjesë në Samitin e BE-së që do të mbahet në Tiranë, në të cilin pjesëmarrjen e ka konfirmuar presidentja e Kosovës, Vjosa Osmani

Gjuha fyese e presidentit të Serbisë, Aleksandër Vuçiq, e përdorur ndaj kryeministrit të Kosovës, Albin Kurti, pas emërimit të Nenad Rashiqit si ministër për Komunitete dhe Kthim, është kritikuar të shtunën nga Këshilli i Ambasadorëve Shqiptarë. Nëpërmjet një letre të përbashkët, ata e kanë dënuar deklaratën e Vuçiqit, nëpërmjet së cilës ai e quajti Kurtin “llum terrorist”, ndërsa Rashiqin “llum serb nga fundi i koshit të mbeturinave”.

Gjuhën e presidentit serb ndaj kryeministrit të Kosovës dhe bashkëpunëtorëve të tij nga komuniteti serb që nuk pajtohen me politikën e Serbisë, në Këshill e kanë kualifikuar si denigruese dhe konfliktnxitëse.