LAJMET E MBRËMJES

Kancelari gjerman do integrim të shteteve të rajonit dhe normalizim të raporteve Kosovë-Serbi

Pëlqeje KTV Video për të parë video të përzgjedhura nga KOHA
 

Në Ditën e Evropës kancelari gjerman, Olaf Scholz, ka mbajtur një fjalim në Parlamentin Evropian, gjatë të cilit tha se duhet mbajtur premtimi për anëtarësim ndaj vendeve të Ballkanit Perëndimor. Gjatë fjalës së tij Scholz iu referua edhe dialogut Kosovë-Serbi.

Kancelari gjerman, Olaf Scholz, ka bërë thirrje të martën që Bashkimi Evropian të mbajë premtimet ndaj vendeve të Ballkanit Perëndimor, të cilave para më shumë se 20 vjetësh u kishte premtuar integrim në BE.

Scholz ka thënë se mosrealizimi i këtij premtimi e dëmton seriozisht kredibilitetin e Bashkimit Evropian.