Zubin-Potok - Djegie të veturave e provokime ndaj policëve, paralajmërohet protestë edhe për nesër
Pëlqeje KTV Video për të parë video të përzgjedhura nga KOHA
Qindra qytetarë të Zubin Potokut janë mbledhur të hënën para objektit të komunës. Ata provokuan vazhdimisht policinë e mediat. Pas përfundimit të protestës së serbëve, pak metra larg nga autoblindat e KFOR-it, dogjën veturën e TëVë1
Fshati Çabër nga ku vjen kryetari i Zubin-Potokut, Izmir Zeqiri, në orët e mëngjesit të së hënës patrullohej nga forca të shumta të KFOR-it e të Policisë së Kosovës.
Shumë me shumë kishte para ndërtesës së Komunës në këtë qytet, ku gjatë ditës ai nuk u paraqit në punë.
Rrugët e rrugicat që shpijnë te Komuna ishin bllokuar nga autoblindat e KFOR-it. Pati edhe disa policë të Kosovës, pas paralajmërimit të protestave nga banorët serbë të kësaj zone për të kundërshtuar kryerjen e funksionit të kryetarit nga objekti kryesor komunal.
Rreth tridhjetë minuta pasi ishte planifikuar, qindra protestues erdhën para Komunës.
Pak minuta më pas u lëshua alarmi që simbolizon gjendjen e jashtëzakonshme për banorët.
Dhjetëra policë të Policisë së Kosovës qëndronin në vijën e parë para objektit komunal.
Herë pas here provokoheshin nga protestuesit e organizuar.
Paraditja shkoi qetë. Sapo turma niste të shpërndahej, riaktivizohej alarmi.
Në pjesën e dytë të ditës protestuesit u pakuan. Kohë pas kohe lëshoheshin këngë me tekste për Kosovën. Një të tillë ua kënduan edhe zyrtarëve policorë.
“Kosova- zemra e Serbisë”, brohorisnin protestuesit.
Policët e Kosovës shmangnin vazhdimisht konfrontimin. Ata fotografoheshin e provokoheshin nga protestuesit.
Një pjesë e policëve ishte më në brendësi, në pjesën para objektit. Një pjesë tjetër, ata të Njësisë Speciale, qëndronin mbrapa vijës së parë të policëve, të gatshëm për të ndërhyrë në rast të përshkallëzimit të situatës.
Protestuesit sulmuan verbalisht edhe gazetarët. E në një moment u konfrontuan edhe me njëri-tjetrin.
Rreth orës 15:00 protestuesit u konsultuan me njëri-tjetrin. Thanë se po shpërndaheshin në qetësi. Paralajmëruan policët që do të takoheshin edhe nesër në protestë. Por gjatë shpërndarjes dogjën veturën e TV1. E pamjet mbrapa e dëshmojnë këtë situatë.
KOHA gjatë ditës ka provuar të kontaktojë kryetarin e Zubin-Potokut, Izmiri Zeqiri, por ai nuk është u përgjigjur telefonatave.
