Breshkat e detit në Florida po përballen me një problem unik të përkeqësuar nga ndryshimet klimatike: valët e fundit të të nxehtit kanë bërë që rëra në disa plazhe të bëhet aq e nxehtë sa pothuajse çdo breshkë e lindur ishte femër, shkroi CNN të mërkurën.
"Gjëja e frikshme është se katër verat e fundit në Florida kanë qenë verat më të nxehta në histori", tha Bette Zirkelbach, menaxhere e Spitalit “Turtle” në Marathon.
"Shkencëtarët që po studiojnë breshkat e detit dhe vezët nuk kanë gjetur breshka deti meshkuj, por vetëm breshka deti femra për katër vitet e fundit", tha Zirkelbach.
Trendi është vetëm një nga shenjat e shumta që kriza klimatike po ndërhyn në ekosistemet natyrore të Tokës, duke përparuar shumë shpejt që shumë specie të përshtaten.
Kur një breshkë femër gërmon një fole në një plazh, temperatura e rërës përcakton gjininë e të vegjëlve. Zirkelbach tha se një studim australian tregoi statistika të ngjashme - "99% e të vegjëlve të rinj të breshkave të detit janë femra".
Nëse vezët e një breshke ngrohen nën 27.7 gradë Celsius, të lindurit e breshkave do të jenë meshkuj, ndërsa nëse ngrohen mbi 31 gradë Celsius, ato do të jenë femra, sipas faqes së Shërbimit Kombëtar të Oqeanit, NOAA.
© KOHA.
