Një skelet, pothuajse i plotë, i një dinozauri do të shitet në një ankand në Paris, muajin e ardhshëm.
Ky skelet, që besohet se ekziston që 150 milionë vjet, është zbuluar më 1990 në Wayoming të SHBA-së.
Ai është emërtuar “Barry”, sipas Barry Jamesit, paleontologut që e ka zbuluar atë.
Ekspertët besojnë se skeleti është i ruajtur “jashtëzakonisht mirë”.
Ai parashihet që mund të shitet për 1.2 milion euro në ankandin e 20 tetorit në Hotelin Drouot.
Barry besohet se ka qenë 2.1 metra i gjatë.
Alexandre Giquello, nga shtëpia e ankandit, ka thënë se është e pazakonshme të shohësh një skelet kaq të paprekur të ndonjë dinozauri.
“Kafka është 90 për qind e kompletuar dhe pjesa tjera e dinozaurit është 80 për qind e kompletuar”, ka thënë ai.
Shitje të tilla të skeletit të një dinozauri janë tepër të rralla.
© KOHA. Të gjitha të drejtat janë të rezervuara.
