Lifestyle

Plisi, art i Fitores

 

Plisi, emblema e kokës së shqiptarëve, që u ruajt me xhelozi për shekuj me radhë, është një kapelë nga leshi i bardhë në formë të gjysmëvezës. Kjo kësulë zakonisht përdoret nga burrat, por e kanë mbajtur edhe gratë, si Qerime Radisheva, e njohur si Shote Galica, e cila luftoi përkrah burrit të saj, atdhetarit Azem Galica.

Këtë figurë emblematike të kokave shqiptare artistja Fitore Berisha e çoi në një dimension tjetër duke e përdorur si “pëlhurë” për të përçuar përmes artit të saj bashkëkohor mesazhe nga kultura e simbolet shqiptare që “ndriçon” hapësira të ndryshme ndërkombëtare.