Lokalet 2021

Kronika Zgjedhore / LDK-ja premton qindra mijëra euro për fshatrat në Fushë-Kosovë

 

Qindra e mijëra euro investime në fshatra, kontrolle mjekësore online, ndërtim shkollash e parqe biznesesh kanë qenë disa nga premtimet e kandidatëve të LDK-së për kryetar të komunave gjatë kësaj të enjteje.

Investime gati milionëshe janë premtuar në fshatin Miradi e Epërme në Fushë-Kosovë.

Kandidati i LDK-së për kryetar të kësaj komune, Burim Berisha, ka thënë se 830 mijë euro ka planifikuar t’i shpenzojë në infrastrukturë, arsim, shëndetësi, mjedis, kulturë, rini e sport.