Metro

HANDIKOS-i kërkon ndihmën e premtuar nga Komuna e Prishtinës, Ahmeti drejton gishtin kah Thesari

HANDIKOS-i kërkon ndihmën e premtuar nga Komuna e Prishtinës, Ahmeti drejton gishtin kah Thesari
Foto: Ilustrim
 

Shoqata HANDIKOS sot ka bërë një kërkesë publike ndaj Komunës së Prishtinës rreth njoftimit që e kishte bërë në muajin nëntor të vitit të kaluar, për subvencionim me nga 80 euro te personave me aftësi të kufizuara që jetojnë në Prishtinë.

“Më datë 24 nëntor 2020, kryetari i komunës së Prishtinës, z. Shpend Ahmeti përmes një statusi në profilin e tij në Facebook pati njoftuar se personat me aftësi të kufizuara që jetojnë në Prishtinë, në fundvit do të subvencionoheshin me nga 80 euro, si mbështetje ndaj situatës me pandeminë COVID-19 në Kosovë”, thuhet në komunikatë. “Andaj, HANDIKOS bën kërkesë publike ndaj komunës së Prishtinës dhe kryetarit Ahmeti që të dalin me një sqarim lidhur me premtimin e bërë para dy muajve, në mënyrë që personat me aftësi të kufizuara të informohen nëse procesi është anuluar apo do të përfundojë së shpejti”.