Metro

Hapet një qendër e re për teste të shpejta në Prishtinë

 

Drejtori i Qendrës Kryesore të Mjekësisë Familjare në Prishtinë, Bujar Gashi, ka njoftuar se nga dita e nesërme do të hapet një qendër e re testimi me teste të shpejta antigjen për COVID-19 në kryeqytet, në Qendrën e Mjekësisë Familjare numër 4 “Xhemajl Ibishi”.

Gashi përmes një shkrimi në Facebook ka treguar se hapja e qendrës së re për testim është marrë në koordinim me Drejtorinë e Shëndetësisë dhe kryetarin e Prishtinës, Përparim Rama. Qendra do të punojë shtatë ditë javës, nga ora 08:00 deri në 16:00.